Линкови за пристапност

НБА: Оклахома изедначи против Сан Антонио


Резултатот во серијата „најдобар во седум натпревари“ сега е 2:2, а наредниот меч се игра во Тексас

Расел Вестбрук со 40 поени и 10 асистенции беше најзаслужен за победата на Оклахома тандер против Сан Антонио спарс со 105:92 во финалето на Западната конференција во НБА. Резултатот во серијата „најдобар од седум натпревари“ сега е 2:2. Најкорисниот играч во Лигата, Кевин Дурант, уфрли 31 поен. Кај гостите, француските интернационалци Тони Паркер и Борис Диа постигнаа по 14 поени. Следниот меч се игра во четврток во Сан Антонио.

Денеска играат Мајами хит - Индијана пејсерс во финалната серија на Источната конференција во НБА, во која Мајами води со 3:1.
XS
SM
MD
LG