Линкови за пристапност

Глобална конференција на Обединетата македонска дијаспора во Вашингтон


Глобална конференција на Обединетата македонска дијаспора во Вашингтон
Глобална конференција на Обединетата македонска дијаспора во Вашингтон

Во наредните три дена лобирање во Конгресот, награди за сенатори, панел-дискусии...

Од денес па се` до сабота, во Вашингтон ќе се одржи третата по ред Глобална конференција на Обединетата македонска дијаспора (ОМД), со редица настани на кои ќе учествуваат истакнати гости од американската и македонската политичка сцена, бизнисмени, уметници.

На конференцијата ќе се дискутира за напредокот на Република Македонија изминативе 20 години, за актуелната ситуација и идните планови. Организаторите ја опишуваат програмата како најдобра досега. Настанот започна денес во Конгресот, каде попладнево по американско време, претставници на дијаспората буквално од врата до врата лобираат кај конгресмени и сенатори за натамошна поддршка за аспирациите на Република Македонија за евро-атлантска интеграција.

Традиционално, во рамки на средбите е предвидено доделување на почесните Меѓународни награди на слободата на ОМД. Еден од тројцата добитници годинава е Џон Мекејн, сенаторот од Аризона и поранешен републикански претседателски кандидат. Тој важи за еден од пријателите на македонската кауза во Конгресот. Примајќи ја наградата, Мекејн за Гласот на Америка на македонски изјави дека е почестен за признанието и се заблагодари за учеството и пожртвуваноста на македонските војници во меѓународната мисија во Авганистан. Мекејн смета дека односите САД-Македонија се добри, со можност натамошно да се продлабочат.

Вечерва во македонската амбасада истата награда ќе им биде доделена на сенаторот-демократ Френк Лутенберг од Њу Џерси и независниот сенатор Џозеф Либерман од Конектикат, а утре постхумно и на Лоренс Игелбергер, поранешниот американски државен секретар.

XS
SM
MD
LG