Линкови за пристапност

Сан Антонио пред елиминација


Сан Антонио пред елиминација

Сан Антонио пред елиминација

На осморангираниот Мемфис му фали само уште една победа против прворангираната екипа

Давид против Голијат во плејоф-натпреварите на НБА: на осморангираниот Мемфис му фали само една победа за да го елиминира прворангираниот Сан Антонио, по синоќешниот триумф на домашен терен со 104-86.

Што и да им кажа тренерот Лајонел Холинс на играчите на Мемфис на полувремето – успеа: го надиграа Сан Антонио со дури 30-15 во третатата четвртина и ја обезбедија победата. Сан Антонио водеше со 50-48 на полувремето.

Денвер избегна елиминација со победата на Оклахома, 104-101 и го намали резултатот на 3-1. Пред Нагетс е сепак тежок предизвик – ниту една екипа досега не се пласирала понатаму по резултат 0-3.

Далас поведе против Портланд со 3-2, откако синоќа беше поуспешен со 93-82. Дирк Новицки постигна 11 од вкупно 25-те поени во третата четвртина и не дозволи нов колапс кон крајот на натпреварот.

Денес играат Њу Орлеанс-Лос Анџелес, Индијана-Чикаго и Атланта-Орландо.

XS
SM
MD
LG