Линкови за пристапност

Кери: САД немаат против Британија и Франција да ги наоружуваат сириските бунтовници


Американскиот државен секретар вели дека претседателот Обама јасно кажал дека САД нема да стојат на патот на државите кои сакаат да ја помогнат опозицијата на Башар ал-Асад.

Американскиот Државен секретар Џон Кери вели дека САД нема да се спротивставуваат на напорите на Франција и Британија за обезбедување оружје за сириските бунтовници кои се борат против армијата на претседателот Башар ал-Асад.

Зборувајќи во Вашингтон во понеделник, Кери кажа дека претседателот Обама јасно рекол дека „САД нема да стојат на патот на други држави кои донеле одлука да достават оружје, сеедно дали тоа е Франција, Британија или други.“

Минатата недела Франција кажа дека ќе работи со Британија за да им помогне на сириските бунтовници доколку државите на ЕУ не се согласат да го олеснат ембаргото што им забранува на земјите членки да обезбедуваат оружје за сириската опозиција. Тоа ембарго завршива во мај.
XS
SM
MD
LG