Тековните преговори за иранската нуклеарна програма се тема на денешната средба на американскиот државен секретар Џон Кери со министрите за надворешни работи на Франција и Саудиска Арабија.
Кери потоа ќе претојува во Виена, каде Иран и групата земји во којашто спаѓаат САД, Британија, Кина, Франција, Русија и Германија се обидуваат да постигнат сеопфатна спогодба што би ставила крај на преговорите што траат веќе една година. Крајниот рок за тоа е понеделник.
Во текот на целиот преговарачки процес, претставници од обете страни даваа изјави за различни нивоа на надеж, но и неизвесност дали ќе биде постигната спогодба што би обезбедила дека иранската нуклеарна програма е за мирољубиви цели, а Иран би здивнал од меѓународните санкции што ја погодија неговата економија.