Линкови за пристапност

Пораст на туберколозата отпорна на лекови


Центрите за контрола и превенција на болести посочуваат на опасност од овој тренд во четири земји

Tуберкулозата отпорна на повеќе лекови бележи пораст во неколку земји кои се справуваат со болеста.

Научниците од Центрите за контрола и превенција на болести со седиште во Вашингтон, предвидуваат дека во текот на следните 25 години, ќе има значително зголемување на случаите кои не реагираат на еден или повеќе антибиотици и тоа во земјите како Русија, Индија, Јужна Африка и Филипините.

Експертите велат дека Русија ја предводи групата, и според нивниот математички модел, до 2040-та година една третина од сите случаи на туберкулоза во оваа земја, ќе бидат отпорни на повеќе или на сите лекови.

На четирите споменати земји во 2015-та отпаѓале преку 230.000 нови случаи на болеста, и тоа видот што тешко се третира, додаваат научниците во Центрите за контрола и превенција на болести.

Најновите откритија се објавени во најновото издание на списанието на инфективни болести „Лансет“.

Facebook Forum

XS
SM
MD
LG