Линкови за пристапност

Обама и Ромни се подготвуваат за првата дебата


Дебатата во среда ќе биде одржана на Универзитетот во Денвер, и ќе биде посветена на домашни прашања.

Американскиот претседател Барак Обама и републиканскиот предизвикувач Мит Ромни во понеделник ќе бидат главно недостапни за јавноста, додека секој посебно се подготвува за првата дебата од претседателската трка 2012, што биде пренесувана на националната телевизија.

Обама ќе ги собере своите советници во кампањата во одмаралиште во западната држава Невада, каде имаше настап пред 11.000 луѓе во неделата, близу Лас Вегас. Претседателот се шегуваше дека е „OK“ во дебатирање споредено со Ромни, кого го опиша како „добар во дебати“. Но Обама кажа дека дебатата во среда ќе биде повеќе од фрази со кои би се исмеал или посрамил опонентот.

„Би сакал тоа да биде сериозна дискусија за тоа што треба да сториме да ја одржиме државата во растеж и да ја обновиме безбедноста за Американците кои тешко ја зараборуваат живеачката. Тоа ќе сакаат да го слушнат тоа, тоа е дебата што вие ја заслужувате“.

Ромни во понеделник ќе се сретне со неговите советници во неговата држава Масачусетс пред да замине за Денвер, Колорадо, местото на првата дебата. За разлика од инсајдерите во кампањата на Ромни, гувернерот на Њу Џерси, Крис Кристи, предвиде во неделата дека поранешниот гувернер на Масачусетс ќе биде долку добар што целата трка ќе се превртиу на денот по дебатата.

„Ова е момент кога американскиот народ ќе има можност да ги види двајцата еден до друг, како ја изнесуваат својата визија, без филтер. Мислам дека тоа ќе биде силен момент за Мит Ромни“.

Дебатата во среда ќе биде посветена на домашни прашања, како економијата и здравствената заштита.

Најнови истражувања на јавно мислење индицираат дека Обама има значително водство пред Ромни во многу од таканаречените„превртливи“ држави кои се очекува да ги решат изборите на 6 ноември.

Надворешно политичките прашања ќе бидат покриени на втората и третата дебата, закажани за 16 октомври и 22 октомври.
XS
SM
MD
LG