Линкови за пристапност

Американскиот џез композитор и пијанист Дејв Брубек почина на 91 година.

Менаџерот на Брубек вели дека срцето на музичарот откажало во средата наутро додека бил на пат кон неговиот кардиолог. Тој требало да наполни 92 години во четврток.

Брубек беше џез легенда повеќе од половина век.

Тој го формираше Квартетот Дејв Брубек по Втората светска војна и се крена меѓу великаните во 1950-те.

Многумина веруваат дека песната „Blue Rondo A La Turk“ од албумот на квартетот од 1959 година „Time Out“ вовела нова ера за џезот. Песната комбинирала препознатливи елементи од тоа комплексно време со класични и ритми од третиот свет. Тоа беше една од неколкуте хит песни на албумот.

„Time Out“ беше првата џез плоча на модерната ера продадена во милионски тираж и е меѓу најдобро продаваните џез албуми на сите времиња.

Снимките на Брубек покриваат широк спектар на музика, вклучувајќи џез, класична, духовна и поп музика. Тој доби многу награди и свиреше до доцните години на невиот живот.
XS
SM
MD
LG