Линкови за пристапност

Почина синот на потпретседателот Џо Бајден


Бо Бајден ја загуби битката со рак на мозокот

Бо Бајден, поранешен главен правобранител во сојузната држава Делавер, почина во саботата на 46-годишна возраст, откако ја загуби битката со рак на мозокот. Тој беше најстар син на потпретседателот Џо Бајден, а една година служеше во американската армија во Ирак.

Потпретседателот Бајден преку соопштение за јавноста кажа дека со скршени срца семејството ја соопштува веста за смртта на Бо Бајден, сопруг, брат и син, додавајќи дека ја водел битката со ракот со ист интегритет, храброст и сила, каква што покажувал секојдневно во животот.

„Знаеме дека духот на Бо ќе живее во целото наше семејство, особено преку неговата храбра сопруга Хали и двете неверојатни деца, Натали и Хантер“, додаде американскиот потпретседател.

„Беше пример за сите нас“, истакна Бајден. „Го докажа она што мојот татко го велеше – дека родителот знае дека успеал како родител, кога неговото дете ќе постигне повеќе од него“.

Претседателот Барак Обама по веста истакна дека со првата дама Мишел тагуваат и се молат за Бо Бајден и за утеха за неговото семејство.

Претседателот додаде дека Бо бил добар човек, со големо срце и голем католик.

XS
SM
MD
LG