Во ретко интервју емитувано во среда, Асад за ЕјБиСи Њуз рече дека иако тој е претседател сепак државата не е во негова сопственост, и „тоа не се мои сили“. Сирискиот лидер кажа дека има „голема разлика“ меѓу „имањето политика за задушување и грешките што ги направиле некои официјални лица“.
Асад изрази сомневање во цифрата на загинати на ОН - 4.000 откако еруптираше насилството во март, велејќи дека најголем дел од жртвите биле владини поддржувачи. Тој исто така ја негираше веродостојноста на тврдењата за 13-годишно момче чија смрт ги галванизираше протестите и го запали светското мислење, зашто наводно било убиено откако било погодено, запалено и кастрирано.
Портпаролот на американскиот Стејт департмент Марк Тонер го повтори американскиот став дека Асад е ангажиран во брутално задушување на мирно опозиционо движење. Тој рече дека за него е „смешно“ што сирискиот претседател се обидува „да се скрие зад шарада дека нема моќ во неговата сопствена држава“.