Панк рок групата „Грин деј“ за време на изведбата на нумерата „Bang bang“ на церемонијата на доделувањето на Американските музички награди, го промени текстот во знак на протест против новоизбраниот претседател Доналд Трамп.
Рокерите во песната ги вметнаа зборовите „Не за Трамп, Не за ККК (Кју Клукс-клан), Не за фашистички САД“.
Аријана Гранде беше избрана за изведувачка на годината, поразувајќи ги Бјонсе, Адел, Џастин Бибер, Ријана и Селена Гомез.
Со наградата за животно дело за придонес во музичката индустрија се закити Стинг. „Американската музика ја запали музичката искра во мојот млад ум“, рече британскиот пејач и текстописец.