„Оваа трагедија не требаше никогаш да се случи и мораме да признаеме дека владата не преземала доволно мерки да ги спречи убиствата, нападите и другите насилства, иако имала доказ дека тоа се случува“, рече Сантос пред 200 преживеани и членови на Патриотски сојуз и членови на нивните семејства.
Околу 3000 лица беа убиени од паравоените групи за време на мировните преговори помеѓу владата и членовите на Патриотски сојуз во 80-те години, период кој Колумбијците го нарекуваат политички геноцид.
Претседателот зборуваше две недели пред закажаното потпишување на мировниот договор со револуционерните вооружени сили на Колумбија – ФАРК. Договорат ќе стави крај на граѓанската војна во која загинаа повеќе од 220.000 лица,а милиони беа раселени. Околу 7000 борци на ФАРК ќе бидат вклучени во општеството и ќе им биде овозможено да формираат политичка партија.
Во понеделникот, бунтовниците од ФАРК се извинија за „големото страдање“ кое го предизвикаа со киднапирањето на илјадници лица и за изнудување откуп за финансирање на конфликтот кој трае половина век.
Според официјалните бројки од 1970 до 2010 биле киднапирани околу 27.000 лица, околу 90 проценти биле извршени од ФАРК.