Линкови за пристапност

Ахмети верува во брзо решение на спорот со името


Водачот на ДУИ апелира до меѓународната заедница да се вклучи поактивно во посредничката улога

Лидерот на ДУИ ја повика меѓународната заедница да се вклучи поактивно во посредување за изнаоѓање компромисно решение со Грција:

„Ние сме убедени дека сме многу блиско до решението, но имаме потреба од директни преговори со меѓународно посредништво и потоа решението ќе се постигне. Во овој правец, очекуваме целосна подршка и многу активна ангажираност од новиот состав во телата на ЕУ, вклучително од Г. Јункер, Госпоѓата Могерини и Г. Јоханес Хан. Успехот на овој процес претставува заокружување на нашата заедничка инвестиција во Македонија, но истовремено ќе ги релаксира видливо и меѓуетничките односи како и имплементацијата на духот на Охридскиот Договор, ќе придонесе кон мирот, одржливата стабилност и сигурност во земјава и регионот, но и за економскиот развој“, изјави Али Ахмети.

„Се надеваме дека на 8 октомври, Комисијата за проширување на ЕУ ќе ја повтори препораката за добивање на датум за преговори и се надеваме дека декемврискиот самит на ЕУ ќе биде поттик за финалниот бран на преговори помеѓу Скопје и Атина“, додаде Ахмети.

Али Ахмети во оваа прилика ја нагласи приоритетната заложба на неговата партија за интегрирњето на Македонија во евроатлантските структури и нагласи дека ДУИ заедно со партнерите во владата работат на остварувањето на таа цел.

XS
SM
MD
LG